Xudoyor Atajanov
Mijozlar uchun web-sayt, admin panel va biznes tizimlarini noldan quraman — g'oyadan ishlab turgan mahsulotgacha.
Fabrikadagi har bir qop — QR bilan ko'rinadigan
Paypoq fabrikasining qog'ozdagi ishlab chiqarish yo'li — QR stiker, ishchi ilovasi va egasi uchun jonli panelga aylandi.
Muammo
Buyurtma sexdan sexga qog'ozda yurardi. Qaysi qop qaysi bosqichda, brak qayerdan chiqdi, kimga qancha haq tegadi — hech kim aniq ayta olmasdi. Oy oxiri hisob-kitob har safar bahsga aylanardi.
Nima qurdim
Buyurtma avtomatik 200 juftlik qoplarga bo'linadi, har qopga QR stiker chiqadi. Ishchi Android ilovaga PIN bilan kiradi va skanerlaydi — to'qish, tikish, bo'yash, dazmol, qadoq. Egasi web panelda jonli holatni, brakni va ish haqi hisobini ko'radi.
Natija
Tizim fabrikada har kuni ishlaydi. Shu asosda ikkinchi fabrika — Mango uchun alohida baza va ilova bilan mustaqil nusxa ko'tarildi.
Tur agentligi sayti WordPress'dan tezkor kodga ko'chdi
2012-yildan beri ishlab kelayotgan Toshkent agentligi uchun uch tilli katalog va o'zlari boshqaradigan admin panel.
Muammo
Sayt og'ir WordPress mavzusida edi: sekin ochilardi, SEO va Google Ads uchun noqulay, har kichik o'zgarish dasturchiga borib taqalardi.
Nima qurdim
EN / RU / UZ tilidagi sayt: filtrli turlar katalogi, kunma-kun marshrut, jo'nash sanalari, so'rov formasi va blog. Admin panelda turlar, maqolalar va arizalar dasturchisiz boshqariladi.
Natija
2 haftada topshirildi. Marketing jamoasi endi yangi turni o'zi qo'shadi.
Konditer eksporti uchun 4 tilli sayt — arabchasi bilan
Arab bozoriga chiqish uchun RTL qo'llab-quvvatlaydigan B2B korporativ sayt va unga o'z CMS'i.
Muammo
1998-yildan beri ishlayotgan kompaniyaning statik sayti har o'zgarishda dasturchini talab qilardi, arab mijozlari uchun esa umuman moslashmagan edi.
Nima qurdim
O'zbek, rus, ingliz va arab (RTL) tillaridagi B2B sayt. Mahsulotlar, sahifalar va matn muharriri — hammasi admin paneldan; tarjimalar bir joyda tahrirlanadi.
Natija
Kontentni jamoaning o'zi yangilaydi, eksport bo'limi arab tilida ishlaydi.
Nasos dileri: katalog va yo'qolmaydigan arizalar
LEO / Gidrox rasmiy dileri uchun ikki tilli katalog va to'g'ridan-to'g'ri Telegram'ga tushadigan arizalar.
Muammo
Eski WordPress katalogi yangilanmasdi, saytdan kelgan arizalar pochtada ko'milib yo'qolardi.
Nima qurdim
Rus va o'zbek tilidagi mahsulot katalogi, narx va xususiyatlar admin paneldan boshqariladi. Har ariza soniyalarda savdo bo'limining Telegram guruhiga tushadi.
Natija
Sotuvchi endi arizani ko'rmay qolmaydi — javob vaqti bir necha daqiqaga tushdi.
Startup inkubatori uchun tez ochiladigan landing
Dizayndan to'g'ridan-to'g'ri production HTML chiqaradigan yengil sahifa — ortiqcha kod yo'q.
Muammo
Xorazmdagi inkubatorning eski sahifasi zamonaviy ko'rinmasdi va mentorlar, dasturlar haqida aniq gapirmasdi.
Nima qurdim
Dizayndan to'g'ridan-to'g'ri production HTML yig'adigan build: rasmlar WebP, shriftlar fayl ichida, freymvork yo'q.
Natija
Sahifa bir necha yuz kilobayt — mobil internetda ham darhol ochiladi.
Savdodan jo'natishgacha — bitta tizimda
Ko'p kompaniyali SaaS: savdo, ombor, buxgalteriya va logistika bitta oqimda yuradi.
Muammo
Savdo, ombor, buxgalteriya va logistika alohida Excel fayllari va chatlarda yurardi — buyurtma qayerda qolgani har safar qo'ng'iroq bilan aniqlanardi.
Nima qurdim
Har kompaniyaga o'z subdomeni va 6 rol: rahbar, sotuvchi, omborchi, buxgalter, logist, haydovchi. Ma'lumotlar bazaning o'zida Row-Level Security bilan ajratilgan — kompaniya boshqasining satrini ko'ra olmaydi.
Natija
Mijozga ishlaydigan demo ko'rsatildi, birinchi kompaniyalar ulanmoqda.
Marketing agentligining ichki boshqaruv tizimi
Mijozlar, oylik rejalar va vazifalar — rahbar bir ekranda ko'radigan ichki panel.
Muammo
Agentlik mijozlarni, oylik rejalarni va vazifalarni turli jadval va chatlarda kuzatardi; kim nima qilgani oy oxirida aniqlanardi.
Nima qurdim
Mijozlar ro'yxati, har oyni alohida ochish, vazifalar kanban'i va rollar bo'yicha ruxsatlar. Bir nechta agentlik ishlata olishi uchun multi-tenant qilib qurildi.
Natija
Oylik reja va vazifalar bitta joyda — holatni ko'rish uchun chat titkilash shart emas.
Mijoz loyihalarida takrorlanib qolgan ishlarni mahsulotga aylantiraman. Ta'lim platformalarini ilgari har bir mijozga alohida qurib berardim — endi ular tayyor LMS mavzu va plagin sifatida sotiladi.
Marketing agentliklari uchun SaaS: mijozlar, oylik rejalar, vazifalar va ishbay hisob — har agentlikka o'z manzili
Frappe CRM asosidagi o'quv markaz CRM'i: Facebook lidlari avtomatik tushadi, o'zbekcha voronka va menejerlarga navbat bilan taqsimlash
WordPress uchun LMS mavzu va plagin sotiladigan sayt, o'z litsenziya serveri bilan
Onlayn to'y taklifnomalari: ~20 shablon, har juftlikka o'z subdomeni
WordPress'siz o'quv platformasi, 45 ekranlik dizayn tizimidan
O'quv markazlar uchun SaaS — web panel + o'quvchi ilovasi
Salom, men Xudoyor.
No-code'dan boshladim, bugun AI bilan to'liq tizimlar quraman.
Xorazmdanman. Yo'lim no-code'dan boshlangan: WordPress va Tilda'da 150 dan ortiq sayt qildim — korporativ saytlardan onlayn do'kon va ta'lim platformalarigacha. Pullik plaginlar o'rniga o'z plaginlarimni yozdim, amoCRM, Payme va Click ulash odatiy ishga aylandi.
Faqat dasturchi bo'lib qolmadim: Alifbee'da loyiha jamoasini boshqardim, Startup Garage'da No-Code Expert, Wasaf Int Solutions'da COO bo'lib ishladim. Shuning uchun kod yozishdan oldin biznesni o'rganaman — kim nima qiladi, qog'oz qayerda yo'qoladi, pul qayerda sizib chiqadi.
Bugun AI bilan ishlayman: Claude Code va Next.js bilan bir odam jamoaning tezligida quradi. Tez yig'ilgan prototipni ishlab turadigan mahsulotga aylantiraman — baza, rollar, xavfsizlik, server va deploy bilan. Fabrikadagi QR tizimidan arab tilidagi eksport saytigacha.
Bilganlarimni ulashaman — «Tutorials» bo'limida AI va no-code bilan real loyiha qurish bo'yicha darslar chiqadi.
Qo'ng'iroq belgilashHozir nimalar bilan qiziqaman
Ishimdagi tamoyillar
Kod yozishdan oldin biznes qanday ishlashini tushunaman. Noto'g'ri jarayonni avtomatlashtirish — tartibsizlikni tezlashtirish.
Muddat, narx va muammoni to'g'ridan-to'g'ri aytaman. Yomon xabar ham kechikkan yaxshi xabardan yaxshiroq.
«Deyarli tayyor» emas, ishlab turgan mahsulot: server, domen, admin panel va qanday ishlatish bo'yicha tushuntirish bilan.
Har loyihaga admin panel qo'yaman — matn yoki narx o'zgarishi uchun menga yozish shart bo'lmasin.
Nima bilan ishlayman
Real loyihalarni qanday qurishim haqida amaliy darslar: Next.js, PostgreSQL, deploy va AI bilan dasturlash.